Oshtima

Dy fakte – Dy prova

Botuar si notë politike me titullin “Dy fakte – Dy prova” në të përditëshmen “Bashkimi i Kombit” datë 30.VII.1944

Pardje Moska lajmëroj formimin e një Nacjonal-Çlirimtar polonez, me qendër në Moskë, i përbërë prej polakësh të sigurtë për ndjenjat e tyre bolshevike dhe filloruse, i cili, sipas Moskës, duhet njohur si një Qeveri e përkohëshme poloneze, me që Qeverija e mërguar poloneze me qëndrim në Londër, nuk përfaqëson popullin polonez, kurse komiteti i formuar në Moskë, përfaqësoka dëshirat e atij populli.
Në vijim të këtij lajmi, Ministri i P. të Jashtëme i Britanjës së Madhe zoti Eden, deklaroi solemnisht në Odën e Komunëve se, e vetmja qeveri poloneze që mund të njihet prej aleatëve, asht ajo e mërguar në Londër.
Të nesërmen e këtyre deklaratave dhe si përgjigje, Moska lajmëroi zyrtarisht se, midis Qeverisë Sovjetike dhe Komitetit Nacjonal-Çlirimtar polonez, u-nënëshkrua një marëveshje mbi administrimin e tokave poloneze, i cili i lihet Komitetit në fjalë. Me fjalë të tjera, Moska e njojti solemnisht Komitetin e formuar prej saj si Qeveri Poloneze dhe këtë gjë, kundra dëshirës së shprehur po solemnisht prej Qeverisë Britanike.

Ky asht nji fakt.

Dje, zoti Eden, po në Odën e Komuneve përcaktoi qëndrimin e Qeverisë Britanike, kundrejt Nacjonal-Çlirimtares greke (E. A. M.), të cilën e dënoi në mënyrë kategorike, duke theksuar se populli grek në shumicën e tij dërmuese është me Qeverinë e Kajros dhe kundra A. E. M.-it dhe shtoi se Qeverija Britanike do ta përkrahë z. Papandreu, i cili me qeverin e tij përfaqëson nacjonalizmën greke, për të zbatuar marëveshjen e Libanit. Zbatimi i marëveshjes së Libanit, do të thotë pa tjetrë përjashtimi absolut i vendosjes në Greqi i Diktaturës Komuniste.
Dihet se Nacjonal-Çlirimtarët e të gjithë botës, janë organe të verbëra të Moskës dhe veprojnë vetëm pas urdhërave të Kremlinit.
Pra kemi edhe këtu një fakt. Brënda 48 orësh kemi dy fakte, dy prova konkrete, se Moska dhe Londra nuk janë aspakë në një mëndje për sa i përket së ardhmes së Evropës. E para kërkon bolshevizmin e saj me anë të Diktaturës dhe të terrorit të kuq, e dyta e kundërshton këtë gjë me të gjitha fuqit e saj sepse i rezikohen interesat e saj perandorake.
Por është një fakt se, Moska me anën e bolshevizmit t’Europës nuk synon në një ndryshim shoqëror për të mirën e popujve. Ajo nënë këtë pretekst kërkon të realizojë më së fundi ëndërën shekullore panslave, gjë që duhet ta kundërshtojnë me të gjitha fuqit e tyre kombet e Europës, jo slave, dhe sidomos kombi shqiptar, sepse vetëm kështu mund të përjashtojnë rrezikun e çdukjes së tyre.

Këtë të vërtetë Komitetet shqipëtare nuk e kanë kuptuar ende dhe po vazhdojnë në rrugën e tyre, që shpie sigurisht në çfarosjen e racës s’onë.


F.  V. 1944, D. 32, fl. 3

 

Dokument - Oshtima


Rregullorja e "Një libër për..."

Kreu I Dhurimet Të gjithë personat e interesuar janë të mirëpritur të dhurojnë një apo më shumë libra, të cilët do t’i përcillen shkollës së parapërzgjedhur. Emri i dhuruesit dhe librat e dhuruar do të regjistrohen në formularët përkatës nga vullnetari i ngarkuar me këtë detyr&...